samværsdans

Samværsdans er dans brukt når folk møtest for å vera saman og hyggja seg i lag. Hovudsaka er å delta saman med andre og ikkje først og fremst for å visa dansen for nokon. Samværsdans står då gjerne i motsetnad til teaterdans, framsynings- eller tevlingsdans.

På engelsk har vi skiljet mellom participatory og presentational dance, og ofte kan vi også omsetja samværsdans med social dance, sosial dans.

I Noreg var folkedansen i utgangspunktet samværsdans, men har også blitt tatt i bruk til framsyning og tevling. Det same gjeld overklassen sine dansar, og motedansen, ofte kalla selskapsdans, som i dag i stor grad er brukt til tevling, mellom anna som sportsdans.

Les meir i Store norske leksikon

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg