Kjepphest er eit omgrep som i overført tyding blir brukt om ei oppfatning eller ein idé som ein er for oppteken av, stadig snakkar om eller legg for stor vekt på. Det blir brukt i faste uttrykk som «å ri kjepphesten sin», altså det å stadig hevde ei viss oppfatning.
Faktaboks
- Også kjend som
-
tysk Steckenpferd, engelsk hobby horse (om leiketøyet)
Døme: «Ho rir kjepphesten sin» tyder at ho har éi sak som ho er veldig oppteken av og stadig snakkar om. Eit kjent døme er Cato den eldre, som alltid avslutta innlegga sine i det romerske senatet med «elles meiner eg at Karthago bør øydeleggjast», same kva temaet for debatten var.
Opphavet til ordet er eit leiketøy som består av ein kjepp med hestehovud, og som blir brukt til å late som ein rir på. På engelsk heiter kjepphest hobby horse. Dette omgrepet har sidan gitt oss ordet hobby i tydinga 'føretrekt aktivitet, fritidsinteresse, favorittaktivitet'.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.