Klaus Wowereit

Faktaboks

Klaus Wowereit
Født
1. oktober 1953, Berlin

Tyskl sosialdemokratisk politikar. Han har vore borgarmeister i Berlin sidan juni 2001.

Bakgrunn

Han voks opp i ein katolsk familie det dåverande Vest-Berlin. Han er utdanna jurist frå Freie Universität Berlin. I 1972 melde han seg inn i SPD.

Politisk karriere

I 1979 fekk han verv på lokalplan i bydelen Tempelhof. Seks år seinare fekk han plass i Berlins bystyre. I 1999 vart han leiar for SPD-fraksjonen i bystyret. I juni 2011 vart han vald til borgarmeister i Berlin med støtte frå partia Die Grünen og partiet PDS, som i dag har bytta namn til Die Linke.

I offentlegheita

Meiningsmålingar viser av Klaus Wowereit er ein svært populær politiker. Han har fleire gongar blitt nemnd i diskusjonane om kven som bør bli sosialdemokratanes neste kanslarkandidat, utan at det har resultert i at han har blitt det. Han blir ofte sitert på utsegna si om at den gjeldstynga byen han er borgarmeister for er fattig, men sexy. Wowereit er den første tyske topp-politikaren som offentleg sto fram som homofil. Det var ei kjent sak at han var det, men i samband med kandidaturet hans til å bli borgarmeister i Berlin, valde han også å fortelje det offentleg. Han sa at "eg er homofil, og det er ein god ting". Utsegna har sidan blitt hyppig sitert.

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg