Kinsarvik - tidlegare kommune

Tidlegare kommune i Hordaland; utgjorde frå det kommunale sjølvstyret vart innført i 1837 Ullensvang og Odda (med unntak av Røldal). Kommunen sitt namn vart 1870 endra til Ullensvang. Kinsarvik gjenoppstod som kommune 1913 då Ullensvang vart delt i tre, Ullensvang, Kinsarvik og Odda. Då hadde Kinsarvik 1736 innbyggjarar.

Med unntak av Kvanndal-området på austsida av Granvinfjorden som blei lagd til Granvin, vart Kinsarvik 1964 saman med Eidfjord slått saman med Ullensvang (Eidfjord utskild igjen 1977). Før nedleggjinga 1964 utgjorde Kinsarvik 382 km² og hadde 1585 innbyggjarar.