Odda var ein kommune i tidlegare Hordaland fylke. Odda vart i 2020 ein del av Ullensvang kommune, etter å ha vorte slått saman med Jondal og Ullensvang, og den vart samtidig ein del av Vestland fylke. Samanslåinga var ein del av ei landsomfattande kommunereform.
Odda kommune låg lengst søraust i Hardanger. Kommunen omfatta inste delen av Sørfjorden med Oddadalen innanfor, og dessutan Røldal i sør som geografisk sett utgjer øvre del av Suldalsvassdraget, likeins fjellområdet opp til vasskiljet på Folgefonna i vest og dei sørvestre del av Hardangervidda i aust.
Odda vart oppretta i 1913 ved deling av den dåverande Ullensvang kommune i tre: Kinsarvik, Ullensvang og Odda. Røldal, som hadde vore eigen kommune sidan 1837, vart i 1964 lagt til Odda.
Kommentarer
Kommentaren din publiseres her. Fagansvarlig eller redaktør svarer når de kan.
Du må være logget inn for å kommentere.