trimaran

Trimaran er ein seglbåt med eitt hovudskrog og to sideskrog – eitt på kvar side av hovudskroget. Han er nesten like brei som han er lang, og er utvikla over dei siste femti år etter modell av kano med utriggar, og som fleirskrogsbåt er han i familie med katamaranen. Han er den raskaste av alle seglbåtar.

Faktaboks

uttale:
trimarˈan
etymologi:
av tri- og katamaran

Dei fleste trimaranar har senkekjøl eller sverd i hovudskroget; det kan vera eitt ror på hekken til hovudskroget, eller eitt ror i kvart sideskrog. Nokre trimaranar er også utstyrte med foilar for stabilisering og større fart. Fordi trimaranen balanserer ved hjelp av breidde, krenger han lite; han treng heller ikkje ein tung kjøl, og vil derfor akselerera heller enn å krenga i sterk vind.

Mange trimaranar under 10 meter har sideskrog som kan faldast inn mot hovudskroget, og kan dermed transporterast på tilhengar.

Bermudarigga trimaran Libertist 853

Trimaran
Av .

Les mer i Store norske leksikon

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg