tre i kraft

Når ein lov eller forskrift blir vedteken, så vedtek ein ofte samtidig når lova eller forskrifta skal tre i kraft, altså når ho gjeld frå.

Nokon gonger vedtek Stortinget at lova skal tre i kraft straks etter at Kongen har gitt sanksjon, men det typiske er at dei vedtek at lova skal tre i kraft på eit gitt tidspunkt eller frå den tida Kongen i statsråd avgjer.

Til eksempel

• koronalova blei vedteken 27. mars og trådte i kraft same dagen.
• vegtrafikklova blei vedteken 18. juni 1965 og trådte i kraft 1. juli 1965.
• da straffelova blei vedteken 20. mai 2005 måtte nye datasystem på plass før lova kunne tre i kraft. Lova trådte i kraft i 1. oktober 2015.

Om ein norsk lov ikkje inneheld eigne reglar om dette, trer loven i kraft éin månad etter at ho er kunngjord i Norsk Lovtidend.

I folkeretten er det ein lengre prosess frå avtalar og konvensjonar blir vedtekne til dei trer i kraft. Det typiske er at eit visst antall land må ratifisere og dermed bli part til avtalen før avtalen trer i kraft. Gjennom ratifikasjon blir staten folkerettsleg forplikta til å overhalde dei pliktane som følgjer av den aktuelle avtala.

• lov
• rettsvesen i Norge