teiebær

Teiebær, eller tågebær, er ei fleirårig urt i bjørnebærslekta i rosefamilien. Planta har krypande renningar, og rotfestar seg i bladfesta. Arten er vanleg på steina mark i heile landet.

Skildring

Teiebær er ei fleirårig urt som vert mellom 10 og 40 centimeter høg. Blomeskotta er opprette, og blada er 3-kopla. Blomane er kvite, radiærsymmetriske og 5-talige. Blomane sit ofte tre til ti saman i blomeskotta. Frukta som vert danna er ei raud samfrukt av steinfrukter.

Utbreiing

Teiebær finnes i Europa og i Asia på den nordlege halvkula. I Noreg er arten vanleg i heile landet opp til snaufjellet.

Dyrking og bruk

Steinfruktene vert nytta til som tilbehør til mat.

Systematikk

Nivå	Norsk namn	Vitskapeleg namn
Art	Teiebær	Rubus saxatilis
Slekt	Bjørnebærslekta	Rubus
Familie	Rosefamilien	Rosaceae
Orden	Rosales
Klasse	Tofrøblada planter	Dicotyledoneae
Rekke	Dekkfrøa planter	Angiospermae
Rike	Planteriket	Plantae

Les meir i Store norske leksikon

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

Fagansvarlig for Rosefamilien

Unni Vik

Universitetet i Oslo