stroboskop

Stroboskop er eit apparat til undersøking av roterande rørsler ved glimtvis belysning. Det er utstyrt med ei gassfylt lampe, som er konstruert for å gi hurtige lysglimt med tidsintervall ein kan stille inn nøyaktig og regulere. I slik belysning verkar ein roterande lekam å stå stille når belysninga skjer éin gong for kvar omdreiing eller eit heilt tal omdreiingar.

Stroboskopet, som blei funne opp av Simon von Stampfer i 1832, blei ein forløpar for kinematografen og seinare laga i mange former, som fenakitoskop, zoetrope, daedaleum og kinetoskop. Prinsippet er at teikningar av ulike fasar av ei rørsle blir fortløpande vurderte i det blinkande lyset frå ei lampe. Dette gir den verknaden at bilete som følgjer etter kvarandre, smeltar saman i ei tilsynelatande kontinuerleg rørsle.