Stortranebær er ein krypande dvergbusk i bærlyngslekta i lyngfamilien. Planta veks på myrer, og utviklar raude, saftfulle bær.
Stortranebær er ein planteart med krypande stengel. Blada er blanke og vintergrøne. Dei raude blomane er firtalege. Fruktene som vert danna er raude bær. Stortranebær skil seg frå den litt mindre småtranebær ved å ha finlodne årsskott og blomeskaft, blad som er breiast ved midten og begerflikar som er kanthåra.
Stortranebær finnes over store deler av den nordlege halvkule, og veks i Noreg på myrer over heile landet.
Dei saftfulle, raude bæra til stortranebær er gode til safting og sylting.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.