Skjæregås er ein stor andefugl i skjæregåsfamilien og har naturleg utbreiing i Oseania og Søraust-Asia.
Faktaboks
- Vitskapeleg namn
- Anseranas semipalmata
- Beskriven av
- (Latham, 1798)
Som vaksen er fuglen ca. 80 cm lang, hannfuglar veg rundt 2,8 kilo og hofuglane rundt 2,1 kilo.
Arten er knytt til ulike våtmarkshabitat og overfløymd tropisk grasmark. Skjæregås er ein planteetar som lever av plantedelar og frø som han finn på bakken og i vassoverflata.
Hekking skjer éin gong i året, og i løpet av hekkeperioden legg hofuglen rundt åtte egg som blir ruga ut i løpet av ca. 25 dagar. Ungane forlèt reiret om lag tolv veker etter klekking og blir kjønnsmodne i løpet av tre til fire år.
Skjæregås lever vanlegvis i rundt 30 år.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.