Rot er i språkvitskapen det ein kjem fram til når ein tek bort avleiingsaffiksa frå ei stamme.
Her er nokre norske eksempel:
- Adjektivet venleg har stamma venleg-. Tek vi bort avleiingsaffikset -leg, sit vi att med rota ven-.
- Verbet sovne har stamma sovn-. Tek vi bort avleiingsaffikset -n, sit vi att med rota sov-.
- Substantivet lærdom har stamma lærdom-. Tek vi bort avleiingsaffikset -dom, sit vi att med rota lær-.
- Substantivet venlegheit har stamma venlegheit-. Tek vi bort avleiingsaffiksa -leg og -heit, sit vi att med rota ven-.
Røtene kan ikkje delast opp i mindre morfar.
I ei stamme med fleire morfar er rota den morfen som kan utgjere ei stamme aleine. For eksempel har stamma venleg- to morfar: ven og leg. Morfen ven kan stå som stamme aleine, som i substantivet ven, og må difor vere ei rot. Morfen leg står derimot aldri aleine som stamme, berre i lag med ei rot, som i tid-leg-, tru-leg-, sjuk-leg- og så vidare.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.