Nying er eit bål, ein type stokkeld av store stokkar som blir lagde over kvarandre.

Faktaboks

Uttale
nˈying
Etymologi
til norrønt hnúðr ‘stokk, pæl’

Stokkane, som gjerne er ein meter eller to lange og omlag 15–20 cm tjukke, blir haldne frå kvarandre med mindre, gjerne rå skier som ein legg på tvert mellom endane av stokkane. Desse blir kalla «beitkøler» eller «beitkjølar».

Ein understokk (av og til to understokkar) blir lagt til rette på et underlag av steinar eller mindre skier. Overstokken blir støtta opp av skråstilte vedkubbar, kalla «haldmerrer».

Til å få varmen i gang tenner ein på tyrifliser («kvann»), tørr bork eller småkvist i mellomrommet mellom stokkane.

Nyingen gjev jamn varme og brenn lenge, gjerne i 8–10 timar.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg