Marskrikse er ein middels stor tranefugl i riksefamilien og har naturleg utbreiing i Sør-Amerika og Karibia.
Faktaboks
- Vitskapeleg namn
- Rallus longirostris
- Beskriven av
- Boddaert, 1783
Vaksne hannar veg rundt 320 gram og hofuglane rundt 270 gram.
Arten er knytt til strandeng/strandsump, mangroveskog og myr. Marskrikse er i stor grad altetande og lever mellom anna av virvellause dyr (invertebratar), plantedelar og små varmblodige dyr som han finn i vassoverflata og på bakken.
Hekking skjer to gongar i året, og i løpet av kvar hekkeperiode legg hofuglen rundt ti egg som blir ruga ut i løpet av ca. 22 dagar. Ungane forlèt reiret om lag ni veker etter klekking og blir kjønnsmodne i løpet av eitt år.
Marskrikse lever vanlegvis i rundt åtte år.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.