klatreslirekne

Klatreslirekne er ein fleirårig, lauvfellande klatrebusk som vert mellom 10 og 15 meter høg. Blada er eggforma. Planta har kvite til rosa blomar som sit saman i klasar. Fruktene som vert danna er vinga smånøtter.

Planta kjem opphavleg frå Sentral- og Aust-Asia. I Noreg er planta funne forvilla i norsk natur eit fåtal gonger.

Klatreslirekne vert dyrka som hageplante. I Noreg veks busken i Sør-Noreg, fyrst og fremst i kystnære strok. Planta veks i sandjord, og må ha noko å klatre på eller i. Planta veks raskt, og har fått kallenamnet «arkitekten si trøyst» fordi ho fort dekker ein vegg eller eit heilt hus, og dermed kan skjule mindre vellukka arkitektur.

• Slireknefamilien

• Risikovurdering av klatreslirekne – Artsdatabanken