Vestamerikansk hemlokk
Vestamerikansk hemlokk
Av .
Lisens: CC BY 4.0
Vestamerikansk hemlokk
Vestamerikansk hemlokk, grein
Av /Artsdatabanken.
Lisens: CC BY 4.0

Hemlokkslekta er ei slekt av bartre i furufamilien. Hemlokk liknar gran, men nålene har skaft og sit på små puter. I granslekta er nålene utan skaft og sit på tydelegare tappforma puter. Frøkonglene er mindre enn 3,5 centimeter, medan dei hos slekta gran er meir enn 5 centimeter. Unntaket er fjellhemlokk som har 3–5,5 centimeter lange kongler.

Faktaboks

Etymologi
Hemlock er det engelske namnet på skjermplanten giftkjeks (Conium maculatum). Da engelske nybyggjarar i Nord-Amerika oppdaga at bartreet hadde giftig bar, overførte dei namnet til dette treslaget. Hemlokkslekta blir no i engelskspråklege floraer kalla hemlock-spruce. Tsuga er ein transkripsjon av det japanske namnet på slekta.
Også kjend som
hemlokkgran hemlock(gran)
Beskriven av
(Antoine) Carrière

Artar og utbreiing

Det finst 10–11 artar; 4 i Nord-Amerika og 6–7 i Asia.

To artar er viktige tømmertre i Nord-Amerika: kanadahemlokk (Tsuga canadensis) i aust, og vestamerikansk hemlokk (Tsuga heterophylla) i vest.

Noreg

I Noreg er kanadahemlokk, vestamerikansk hemlokk og fjellhemlokk (Tsuga mertensiana) planta som prydtre, dels også som skogstre.

Vestamerikansk hemlokk er mykje planta som skogstre og har spreidd seg ein god del, særleg på Vestlandet. I framandartslista til Artsdatabanken er vestamerikansk hemlokk ført til kategorien SE (svært høg risiko).

Bruk

Ved

Yteved og kjerneved er av ein gråleg til lett brunleg tone og nokså matt. Densiteten (massetettleiken) ved 15 prosent fukt er cirka 0,50 gram/cm3. Veden er noko svakare enn norsk gran og blir brukt til lette konstruksjonar og emballasje, men særleg til tremasse.

Bork

Av borken blir det framstilt ein mykje brukt garveekstrakt som inneheld 20–25 prosent garvestoff (hemlokksolelêr).

Nåler

Av nålene blir det ekstrahert ei slags furunålsolje.

Les meir i Store norske leksikon

Eksterne lenkjer

Faktaboks

hemlokkslekta
Tsuga
Artsdatabanken-ID
103830
GBIF-ID
8527396

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg