Fjellskredovervaking er å overvaka og varsla når eit ustabilt fjellparti kan rasa ut. Målet er at ingen skal omkomma i fjellskred i Noreg.
Faktaboks
- Også kjend som
-
fjellskredovervåkning
Det er mange fjellparti i Noreg som er i bevegelse, og ti av desse blir overvaka kontinuerleg. Kollaps av ei fjellside har ført til mange omkomne og omfattande skadar opp gjennom historia, til dømes Loenulukkene og i Tafjord. Overvaking av rørslene i fjellet kombinert med varsling kan redda mange liv.
Fjellskred har lange rekkevidder og kan kryssa dalar og demma opp elvar, der demninga seinare kan bresta og føra til ein katastrofal flaum. Fell eit fjellskred i fjorden eller i ein innsjø, kan det setja i gong store flodbølgjer (tsunamiar). Det er desse såkalla sekundærverknadane (flaum, flodbølgje) som kan ta flest liv.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.