Gyvel ved Loch Ness, Skottland.

Gyvelslekta er ei planteslekt i erteblomfamilien. Slekta består av cirka 60 artar tre og buskar. Artane i slekta finst i Europa, Afrika og Asia, og fleire av dei blir dyrka som prydplantar. I Noreg er arten gyvel nyinnvandra og i tillegg innført som hagebusk.

Faktaboks

Uttale
jˈy-
Beskriven av
René Louiche Desfontaines

Eigenskapar

Artane i gyvelslekta er tre og buskar. Blada er ofte trekopla. Blomane, som er einsymmetriske med fane, venger og kjøl, er raude, gule eller kvite og sit i klasar. Fruktene som blir danna, er belger som inneheld fleire frø.

Dyrking og bruk

Fleire av artane i slekta blir dyrka som prydbuskar på grunn av blomane, særleg i fjellhagar. Blant dei meir hardføre prydbuskane er gullgyvel, C. purgans, C. austriacus og krypgyvel, C. decumbens, alle med gule blomar, vidare den litt mindre hardføre purpurgyvelen, C. purpureus med purpurraude blomar. Sandgyvel, med sterkt gule blomar, har fleire varietetar. Vårgyvel, C. praecox, har gule og noko ubehageleg luktande blomar. Den sistnemnde er meir hardfør og svært rik på blomar.

Arten gyvel har i folkemedisinen vorte brukt som hjartestimulerande og urindrivande middel.

Utbreiing

Artane er viltveksande i Europa, Afrika og Asia, med størst artsrikdom rundt Middelhavet.

Systematikk

Systematikken innan slekta er basert på molekylære og morfologiske karakterar, og slekta er delt opp i 13 seksjonar.

Nivå Norsk namn Vitskapleg namn
Slekt Gyvelslekta Cytisus
Familie Erteblomfamilien Fabaceae
Orden Erteblomordenen Fabales
Klasse Tofrøblada plantar Dicotyledoneae
Rekkje Dekkfrøa plantar Angiospermae
Rike Planteriket Plantae

Les meir i Store norske leksikon

Faktaboks

gyvelslekta
Cytisus
Artsdatabanken-ID
101922
GBIF-ID
8089532

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg