Cytisus scoparius ssp. scoparius

Cytisus scoparius ssp. scoparius, gyvel. Foto fra: Mols Bjerge, Danmark

Cytisus scoparius

Cytisus scoparius, gyvel. Foto fra: Fur, Danmark

Gyvel, Cytisus scoparius, er ein opptil 2 meter høg busk i gyvelslekta i erteblomfamilien. Arten er viltveksande i Europa, og nyinnvandra til Noreg. I tillegg har busken og blitt innført til landet som prydbusk og har fleire stadar forvilla seg til naturen frå hagar.

Faktaboks

Også kjend som
Sandgyvel
Vitskapeleg namn
Cytisus scoparius
Beskriven av
(L.) Link
Framandartstatus i Noreg
SE – Svært høy risiko

Gyvel er giftig, og giftinformasjonen bør kontaktast dersom eit barn har smakt på ei gyvelplante.

Skildring

Gyvel er ein busk som vert mellom 0,5 og 2 meter høg. Busken har grøne kvistar utan tornar og blad som er trekopla. Dei gule blomane einsymmetriske og har fane, vingar og kjøl, noko som er karakteristisk for blomar i erteblomfamilien. Fruktene som vert danna er belgar som inneheld fleire frø. Desse vert etterkvart svarte.

Utbreiing

Gyvel er viltvoksande i Europa, og er vanleg på sandmoer og i heier i Danmark og i England. I Noreg er planta nyinnvandra, men er og innført som prydbusk. Prydbuskane har forvilla seg til natur, og det er tilnærma umogleg å skilje planter som er innvandra naturleg frå planter som stammar frå menneskeleg innføring. Dei seinare tiåra har gyvel hatt ein stor ekspansjon særleg i delar av Sørvest-Noreg.

Dyrking og bruk

Gyvel vert nytta som prydbusk i hagar. I folkemedisinen har gyvel vore brukt som hjartestimulerande og urindrivande middel. Av stengelen til gyvel kan det produsertast bastfiber, gnister, som mellom anna vert nytta til tauverk.

Systematikk

Nivå Norsk namn Vitskapleg namn
Art Gyvel Cytisus scoparius
Slekt Gyvelslekta Cytisus
Familie Erteblomfamilien Fabaceae
Orden Erteblomordenen Fabales
Klasse Tofrøblada planter Dicotyledoneae
Rekke Dekkfrøa planter Angiospermae
Rike Planteriket Plantae

Les meir i Store norske leksikon

Faktaboks

gyvel
Cytisus scoparius
Tidlegare vitskapleg namn
Sarothamnus scoparius (L.) W.D.J.Koch
Artsdatabanken-ID
101925
GBIF-ID
5354656

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg