gunterrigg

Gunterrigg er ein seglbåtrigg som har eit tilnærma trekanta sneisegl. Nedre og framre del av seglet er festa til masta, og den øvre delen er festa til eit rundholt (ei stang) som er bortimot vertikal, og strekkjer seg over mastetoppen når seglet er heist.

Gunterriggen fins i fleire variantar, både av faldetypen og glidetypen, og er rask å setja opp og ta ned. Nokre gunterriggar kan minna om ein gaffelrigg, og nærmast vera ein variant av denne. Den glidande gunterriggen har eit trekanta segl som i toppkant er festa til ei rå som glid vertikalt langs masta og forlengar denne. Gunterriggen på små båtar er enkel og effektiv, med ei kort mast med lite vindfang når seilet er teke ned.