Glansmygg er ein familie av insekt i orden tovenger, underorden mygg. Det er ei lita familie, og det er berre litt over 100 artar som er kjend i verda. 7 av dei har blitt funne i Noreg.
Faktaboks
- Vitskapeleg namn
- Ptychopteridae
glansmygg
Glansmygg av arten Ptychoptera contaminata
Skildring
Glansmygg liknar små stankelbein, men har ei tydeleg U-forma fure på ryggen der stankelbein har ei V-forma fure. Dei har i tillegg anheng på svingkøllene som er unike mellom tovengene.
Levevis
Glansmygg finnest oftast på fuktige stadar ved bekkar, dammar og våte gjørmebanker ved bredda av innsjøar. Larvane lever i mudder og gjørme og lever av daudt plantemateriale. Dei har eit veldig langt pusterøyr og liknar med det «rottehale»-larvane til dronefluer. Dei kan skiljast frå desse på at hovudkapselen er tydeleg avgrensa og kitinisert, og ikkje kan trekkast inn i kroppen.
Les meir i Store norske leksikon
Fagansvarleg for Tovinger
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.