Fluger er ei hovudgruppe innanfor orden tovinger, som i tillegg til flugene består av mygg i vid forstand. Det er kjend rundt 120 familiar av fluger, kor 82 er påvist i Noreg. Nokre kjende fluger er spyfluger, blomsterfluger, klegg og bananfluger.
Faktaboks
- Også kjend som
-
fluer
- Vitskapeleg namn
- Cyclorrhapha
Fleire fluger er nyttige. Larvene til blomsterfluger et bladlus, og dei vaksne blomsterflugene kan pollinere blomar. Desse flugene kan og bli nytta for å bekjempe skadedyr. Bananfluga har blitt nytta som modellorganisme.
Flugene er ei mangfaldig gruppe med mange ulike levevis. Larvene av ulike artar lever som nedbrytarar av organisk materiale, vera planteetarar eller leve i sopp, eller vera rovdyr, åtseldyr, parasittar eller parasittoidar. Dei vaksne flugene har til felles at dei har svampeaktige munndelar som berre kan ta til seg flytande føde, om dei tek til seg føde i det heile teke. Somme kan bruka enzym i spyttet sitt til å løyse opp fast stoff til væske. Mange av artane lever av nektar og er viktige pollinatorar, særleg i fjellet og langt mot nord.
Blant andre klegg og lusfluger er blodsugarar som i tillegg til svampemunnen har stikkande munndelar som kan stikka hol på verten for å drikka blodet. På liknande vis er dansefluger og rovfluger rovlevande dyr som kan stikka hol på mindre insekt og drikka av innmaten.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.