Ingrid Alexandra blir døypt i Slottskapellet 17. april 2004.
Kong Harald er ein av fadrane til prinsesse Ingrid Alexandra.

Fadder er eit dåpsvitne ved dåp i kyrkja. Fadderen skal svare for dåpen på vegner av barnet, vere vitne til at dåpen er gjennomført, og forplikte seg til å gje barnet ei kristen oppseding ('oppdragelse'). Ordninga kan følgjast tilbake til 100-talet.

Faktaboks

Ved dåp i Den norske kyrkja skal minst to fadrar vere vitne. Etter Christian 5s Norske Lov 2–5–5 skulle det ikkje vere fleire enn fem fadrar, men dette påbodet er falle bort ved sedvane. Foreldra kan vere fadrar saman med to eller fleire andre, men ikkje åleine. Fadrane skal vere over 15 år og vere «ærlege og uberykta folk». Ikkje-kristne kan ikkje vere fadrar. Fråverande personar kan teiknast inn som fadrar.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg