Eksponens er korleis den grammatiske informasjonen i ei bøyingsform kjem til uttrykk i forskjellige delar av ordet. Til dømes er bøyingsforma møter presens av verbet møte, og den grammatiske informasjonen presens kjem til uttrykk i suffikset -er.
Her er fleire norske eksempel på eksponens:
- Bøyingsforma bilane er bunden (bestemt) fleirtal av substantivet bil. Den grammatiske informasjonen bunden, fleirtal kjem til uttrykk i suffikset -ane
- Bøyingsforma husa er bunden fleirtal av substantivet hus. Den grammatiske informasjonen bunden, fleirtal kjem til uttrykk i suffikset -a
- Bøyingsforma jente er ubunden (ubestemt), eintal av substantivet jente. Den grammatiske informasjonen ubunden, eintal kjem til uttrykk i suffikset -e
- Bøyingsforma kastar er presens av verbet kaste. Den grammatiske informasjonen presens kjem til uttrykk i suffikset -ar
Ein annan vanleg type er at den grammatiske informasjonen kjem til uttrykk ved at sjølve stamma endrar form:
- Bøyingsforma drakk er preteritum av verbet drikke. Den grammatiske informasjonen preteritum kjem til uttrykk ved at stamma har vokalen a i staden for i
Eksponensen er ofte ikkje like enkel som i døma over. I avsnitta nedanfor er nokre andre typar forklarte.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.