Droguet er eit småmønstrete stoff som vart vove med dobbel renning og eit einsfarga innslag. Botnrenninga bind toskaft, mens mønsterrenninga flotterer på retta i mønsteret og går elles i same skil som annankvar botntråd. Dermed får botnen ein ripsaktig utsjånad.
Faktaboks
- Også kjend som
- dragettes, dragetes
Det fantest ulike typar droguet, dels av rein silke eller ull, dels av blandingar av silke og bomull eller ull og lin.
Droguet liserés, droguet dauphine og droguet satiné er eksempel på ulike typar silkedroguetar. Droguet av ull vart gjerne produsert i Norwich og Bristol og blei kalla «Floretne», eit stoff som truleg kan samanliknast med taboret.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.