double bind

Double bind er ei form for kommunikasjons- og interaksjonsmønster mellom anna beskrive av sosialantropologen Gregory Bateson. I ein situasjon som blir karakterisert ved double bind, eller dobbelbinding, blir motstridande bodskap kunngjord langs ulike kommunikasjonskanalar. Det verbale meiningsinnhaldet i ei utsegn kan til dømes stå i kontrast til mimikk og tonefall.

Det har blitt hevda at personar som er vakse opp i miljø prega av double bind, er meir utsette enn andre for å utvikle psykiske lidingar, spesielt schizofreni. Denne hypotesen er no forlaten.