Differensialdiagnose er eit namn på det å bruke alternative sjukdomar som forklaring på eit spesielt symptom eller funn.
Faktaboks
- Uttale
-
differensiˈaldiagnose
- Også kjend som
-
DD
DDx
alternativ diagnose
Mange symptom og funn kan kome av fleire sjukdomar, til dømes feber. Eit symptom kan òg likne eit anna symptom, til dømes ulike typar utslett. I slike tilfelle vil legen arbeide ut frå den mest sannsynlege diagnosen, men samtidig vurdere alternative diagnosar.
Dersom ein får akutte brystsmerter, vil til dømes nokre av dei viktigaste differensialdiagnosane vere hjarteinfarkt, pneumothorax (punktert lunge), muskelsmerter, krampar i matrøyret eller magesår.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.