Bøylepingvin er ein stor pingvin i pingvinfamilien og har naturleg utbreiing i Antarktis, Sør-Amerika, Australia og Sørlege Afrika, og på spreidde øyar i Sør-Atlanterhavet og Sør-Indiahavet.
Faktaboks
- Vitskapeleg namn
- Pygoscelis papua
- Beskriven av
- (Forster, JR, 1781)
Som vaksen er fuglen ca. 80 cm lang, hannfuglar veg rundt seks kilo og hofuglane rundt 5,3 kilo.
Arten er tilpassa eit liv på havet (pelagisk spesialist) og er knytt til marine opne havområde, subantarktisk grasmark og marine kysthabitat. Bøylepingvin lever av fisk og marine virvellause dyr (invertebratar) som han dykkar etter under vatn.
Hekking skjer éin gong i året, og i løpet av hekkeperioden legg hofuglen som oftast to egg som blir ruga ut i løpet av ca. 37 dagar. Ungane forlèt reiret om lag tolv veker etter klekking og blir kjønnsmodne i løpet av to til tre år.
Bøylepingvin lever vanlegvis i rundt 13 år, men enkelte individ kan bli opptil 35 år gamle.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.