Byggekraner er transportutstyr som er spesialkonstruert for bruk på byggeplassar og anlegg. Kranene kan brukast til horisontal og vertikal transport av materiale og utstyr. Dei viktigaste krava som blir stilt til byggekraner, er enkel og rask montering, konstruksjon som lett kan køyrast eller transporterast på offentleg veg, og at krana er utstyrt med nødvendige tryggleiksinnretningar.
Arbeidstilsynet har fastsett forskrifter for løfteinnretningar og løftereiskapar som byggekraner må tilfredsstille. Forskriftene gjeld både konstruksjon, prøving og sertifisering, og dessutan tryggleiksreglar for bruk og krav til kranførarar. Eiga opplæring av kranførarar blir gitt ved enkelte vidaregåande skular.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.