Beta er den andre bokstaven i det greske alfabetet, skriven Β, β.
Faktaboks
- Uttale
- bˈeta
Innan IT nyttar ein beta om ein førebels versjon eller ein testversjon (ofte den siste testversjonen) før eit program vert lansert, sjå beta-testing (betaversjon).
I det greske talsystemet tyder beta 2. Beta vert òg bruka i tydinga 'den andre i ei ordna rekkje'.
Den greske bokstaven beta er opphavet til den latinske bokstaven B, b og dei kyrilliske bokstavane be (Б, б) og ve (В, в).
Bokstaven β må ikkje forvekslast men den tyske bokstaven ß (Eszett eller scharfes S), som er ei samaskriving (ligatur) av bokstavane s og z (ſ og ʒ i eldre rettskriving). Trass i at dei to bokstavane β og ß (i kursiv: ß ) liknar på kvarandre, er likskapen berre tilfeldig, og det finst ingen samanheng mellom dei.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.