Faktaboks

Yrkesorganisasjonenes Sentralforbund
YS
Organisasjonstype
Forening/lag/innretning
Forretningsadresse
Oslo
Stifta
18. januar 1977
Dagleg leiar
Håvard Lismoen
Styreleiar
Hans-Erik Skjæggerud
Logo

Logoen til Yrkesorganisasjonenes Sentralforbund (YS).

Logo
Av .
Lisens: Avgrensa gjenbruk

Yrkesorganisasjonenes Sentralforbund er ein norsk hovudorganisasjon i arbeidslivet som blei stifta i 1977. YS er ei partipolitisk uavhengig samanslutning av elleve arbeidstakarorganisasjonar, med til saman 240 000 medlemer (2024).

Formål

YS er hovudorganisasjon for elleve fagforbund. Oppgåvene til YS, og andre hovudorganisasjonar på arbeidstakarsida slik som til dømes LO, Unio og Akademikerne, er å forhandle med arbeidsgivarorganisasjonar som NHO og KS på vegner av fagforbunda sine om tariffavtalar. Arbeidstakarorganisasjonar som YS forhandlar òg om løn, arbeidstid og ferie, og om lag halvparten av arbeidstakarane i Noreg er organiserte.

YS er ein av fire hovudorganisasjonar på arbeidstakarsida som saman med dei fire organisasjonene på arbeidsgivarsida og regjeringa utgjør trepartssamarbeidet i norsk arbeidsliv.

YS konkurrerer med LO om medlemer, sidan dei to organisasjonane representerer mange av dei same yrkesgruppene i arbeidslivet. Unntaket er Finansforbundet, der det berre er YS som representerer arbeidstakarar som arbeider i bank og forsikring. Nokre av dei største medlemsorganisasjonane i YS er Parat, Delta, Finansforbundet og Negotia.

YS deler kvart år ut YS sin likestillingspris og er tilslutta International Trade Union Confederation (ITUC), Den europeiske faglige samorganisasjon og Nordens Faglige Samorganisasjon.

Organisering

YS' øvste organ er kongressen som blir halde kvart fjerde år. Mellom kongressane blir YS styrt av eit hovudstyre der alle forbunda er representerte etter storleik.

Tidlegare bestod YS av dei fire seksjonane Privat, Finans, Kommune og Stat, som i 2003 vart erstatta av dei fem sektorane:

  • YS Privat (for privattilsette medlemer)
  • YS Finans (for medlemer knytte til bank/forsikring)
  • YS Kommune (for kommunalt tilsette)
  • YS Stat (for statstilsette)
  • YS Spekter (for tilsette i bedrifter som er medlem av Arbeidsgiverforeningen Spekter)

Sektorane består av forbund med medlemer innanfor sektoren sitt område. Sektorane har ansvar for lønns- og tariffpolitikken innanfor sine område.

Medlemsforbunda i YS

Namn Medlemer *
Delta 91 500
Parat 40 100
Finansforbundet 32 000
Negotia 21 300
Yrkestrafikkforbundet 12 500
SAFE 10 300
Befalets Fellesorganisasjon 10 000
Skolelederforbundet 4 200
Kriminalomsorgens Yrkesforbund 2 000
STAFO 1 900
Norsk Tollerforbund 1 600

* Cirka medlemstal per 1. januar 2024.

Les meir i Store norske leksikon

Eksterne lenker

Faktaboks

Yrkesorganisasjonenes Sentralforbund
Sektorkode
7000 Ideelle organisasjoner
Næringskode(r)
94.200 Arbeidstakerorganisasjoner

Kommentarar (1)

skreiv Jon Gisle

Ryddet i tabell slik at forbundene står i rekkefølge etter størrelse.

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg