Faktaboks

Også kjend som

Vangen, tidligere skrevet Vossevangen

Innbyggjartal
6965 (SSB, 2023)
Landareal
3,9 km²
Tettstadsnummer
5132 Vossevangen
Voss
Vossavangen sett fra fjellheisen Voss Gondol. Midt på bildet ses Voss jernbanestasjon og østre del av Vangsvatnet, og bak Bordalen sørover
Voss
Lisens: CC BY SA 3.0

Vossavangen er ein tettstad i Voss kommune i Vestland. Tettstaden er ifølgje SSBs definisjon 3,9 km², og har 6965 innbyggjarar (2023).

Vossavangen er administrasjonssenter i Voss herad, ligg rundt elvemøtet mellom Raundalselvi og Strandaelvi (sjå Vosso) og austenden av Vangsvatnet. Tettstaden strekkjer seg vestover til Gullfjordungen, austover til Rykke/Palmafoss og sørover til Gjernes ved Vangsvatnet. Sentrumsområdet ligg hovudsakleg mellom jernbanen i nord og idrettsanlegga nord for Vossos utløp i Vangsvatnet i sør.

Vossavangen er eit viktig kommunikasjonssenter med Voss stasjon som både har lokaltrafikk på strekninga Bergen–Myrdal/Flåm (Flåmsbana) og faste stopp på regiontoga på Bergensbanen mellom Oslo og Bergen. Staden er òg knutepunkt for ei rekkje bussruter, både lokale og regionale.

Vossavangen er handelssenter for eit stort område, likeins eit viktig skulesenter med fem vidaregåande skular med ei rekkje studieretningar, og dessutan Voss Folkehøgskule. Ikkje minst er Vossavangen eit viktig turistsenter med stor trafikk både sumar og vinter. På Vossavangen ligg Voss sjukehus. Her er fleire museum, og her ligg Voss kyrkje, Vangskyrkja, ei steinkyrkje frå 1200-talet, og Finnesloftet, truleg Noregs eldste verna profane bygg, frå sist på 1200-talet.

Avisa Hordaland blir gjeve ut på Vossavangen.

Vossajazz blir arrangert årleg, likeins Ekstremsportveko.

Kart

Vossavangen
Vossavangen
Av /Statens kartverk.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg