Uksenøya er ei øy i Ålesund kommune i Møre og Romsdal. Det er den austligaste av dei fire øyene som tettstaden Ålesund ligg på.
Øya har eit areal på 107,9 km2 og 27 334 innbyggarar (2015). På Uksenøya ligg blant anna bydelane Nørvasund, Spjelkavik, Åsestranda og Blindheim i Ålesund og tettstaden Valle. Ålesund sjukehus (Åsestranda) og Borgund vidaregåande skule ligg på Uksenøya.
Uksenøya har brusamband til fastlandet i aust over Dragsundet (E136/E39) og med Nørve over Nørvasundet i vest (E136). Øya har dessutan brusamband med øya Sula i sørvest (E39).
Det 7,3 km2 store Brusdalsvatnet på Uksenøya er Ålesunds drikkevasskjelde.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.