Torlaug Løkensgard Hoel

Faktaboks

Torlaug Løkensgard Hoel
Født
10. mars 1939, Ål i Hallingdal

Artikkelstart

Torlaug Løkensgard Hoel er professor emerita og skriveforskar ved NTNU. Ho har fått prisar for framifrå forsking, forskingsformidling og pedagogisk virke.

Ho tok examen artium ved Oslo Sprogskole i 1958 og vart cand.philol. i 1973, med norsk som hovudfag. Etter det har ho lang praksis frå undervisning. I 1995 disputerte ho for dr.art.-graden med avhandlinga Elevsamtalar om skriving. Responsgrupper i teori og praksis ved Universitetet i Trondheim.

Hoel var førsteamanuensis ved Pedagogisk seminar, Universitetet i Trondheim frå 1980 og professor i fagdidaktikk ved Program for lærarutdanning (i dag Institutt for lærarutdanning) ved NTNU sidan 1999. Ho har òg vore prodekan ved Fakultet for samfunnsvitskap og teknologileiing, NTNU, i perioden 2002–05, og har vore tilknytt Noregs forskingsråd som forskingsleiar og som fagleg ekspert.

Hoel har skrive ei rekkje fagbøker og artiklar om skriving. Fleire av dei er pensumbøker i høgare utdanning, mellom anna Skriving ved universitet og høgskolar – for lærarar og studentar (2008) og Skrive for å lære. Skriving i høyere utdanning (2000/2010), den siste i samarbeid med Olga Dysthe og Frøydis Hertzberg.

Hoel er medlem av Det Kongelige Norske Videnskabers Selskab. I 2012 fekk ho saman med Sissel Lie NTNUs likestillingspris.

Les meir i Store norske leksikon

Litteratur

  • Løkensgard Hoel, T. (2008): Skriving ved universitet og høgskolar – for lærarar og studentar. Oslo: Universitetsforlaget
  • Dysthe, O., Hertzberg, F. & Løkensgard Hoel, T. (2010): Skrive for å lære. Skriving i høyere utdanning. Oslo: Abstrakt forlag

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg