Thorstein er eit mannsnamn som går tilbake til det norrøne Þor-steinn. I dette toledda namnet er forleddet gudenamnet Tor. Etterleddet tyder ‘stein’.

Namnet har fleire variantar: Thorstein, Thorsten, Torstein, Torsten, Tosten.

Kjende personar med namnet Thorstein

Eit utval personar med namnet Thorstein, og som er omtalt i Store norske leksikon:

Namnestatistikk

I 2022 var det 432 menn i Noreg som hadde Thorstein som det einaste førenamnet eller som det fyrste av fleire.

Utvikling i bruk av namnet

Namnestatistikken for 1800-talet baserer seg på folketeljingar, og då var det oftast registerføraren som bestemte kva for variant som skulle førast inn i teljinga – ikkje namneberaren sjølv. Derfor er T(h)orsten og T(h)orstein (lite brukt på 1800-talet) slått saman, og dei er presenterte med ei felles kurve for 1800-talet. (På 1900-talet har ikkje formene på -sten tilstrekkelig belegg til å bli representert med eiga kurve.) Thorstein høyrer til ei stor gruppe samansette nordiske namn som hadde toppfasen sin i kortare eller lengre tid innanfor perioden 1890–1969. I tillegg til Thorstein, som var på topp 1900–1909, gjeld dette til dømes Arnfinn, Arnulf, Asbjørn, Dagfinn, Gudmund, Jostein, Kolbjørn, Oddbjørn, Oddvar, Ragnvald, Sigmund og Torbjørn. Sidan år 1900 er Torstein brukt 5,7 gongar meir enn Thorstein.

Utvikling i bruk av namnet Thorstein frå 1880
Utvikling i bruk av namnet Thorstein frå 1880
Av /Store norske leksikon.
Lisens: CC BY SA 4.0

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg