Thomas er eit mannsnamn i gresk og latin. Namnet går tilbake til hebraisk Toma som tyder ‘tvilling’.

Namnet har fleire variantar: Thomas, Thommas, Tomas, Tommas.

Kjende personar med namnet Thomas

Eit utval personar med namnet Thomas, og som er omtalt i Store norske leksikon:

Namnestatistikk

I 2022 var det 24 552 menn i Noreg som hadde Thomas som det einaste førenamnet eller som det fyrste av fleire, og Thomas var det sjuande mest brukte namnet blant norske menn. I 2022 var det 56 gutar som fekk namnet Thomas.

Utvikling i bruk av namnet

Namnestatistikken for 1800-talet baserer seg på folketeljingar, og då var det oftast registerføraren som bestemte kva for stavevariant som skulle førast inn i teljinga – ikkje namneberaren sjølv. Derfor er stavevariantane Tomas og Thomas slått saman, og dei er presenterte med ei felles kurve for 1800-talet. Tomas og Thomas var noko brukte i siste halvdel av 1800-talet og fekk eit nytt oppsving rundt år 2000. Det same gjeld Simon. Dette står i motsetning til fleire bibelske namn med to toppfasar, til dømes Andreas, Daniel, Elias, Gabriel, Isak og Jakob. Denne gruppa hadde nemleg den fyrste toppfasen tidleg på 1800-talet, ikkje i siste halvdel av 1800-talet som Tomas og Thomas. Den internasjonale stavemåten Thomas har sidan år 1900 vore brukt 10 gongar så mykje som Tomas, som er den forma som står i den norske bibelen.

Utvikling i bruk av namnet Thomas frå 1880
Utvikling i bruk av namnet Thomas frå 1880
Av /Store norske leksikon.
Lisens: CC BY SA 4.0

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg