Faktaboks

Svein Harberg
Fødd
30. juli 1958, Bergen, Vestland
Svein Harberg.
Stortinget.

Svein Harberg er sjølvstendig næringsdrivande, tidlegare ordførar i Grimstad og er stortingsrepresentant for Høgre frå Aust-Agder sidan 2009.

Bakgrunn

Svein Harberg er fødd i Bergen i Hordaland (no Vestland). Han gjekk på musikklinja ved Framnes folkehøgskole i 1975–1976 og tok eksamen som driftsøkonom frå NKS i 1982. Han har arbeidd som lagerarbeidar ved Johan Aksdal engros i 1974–1975, ungdomsarbeidar i Indremisjonssamskipnaden i 1978–1980, butikkmedarbeidar Berland matsenter i 1980–1982 og salssjåfør ved Steinar Andersen Agentur i 1976–1978 og ved Bjarte Tolaas Agentur i 1982–1984. Han var senterleiar ved Odden butikksenter i Grimstad i 1988–1993 og salssjef ved Selektiv Invest i 1993–1999. Harberg var sjølvstendig næringsdrivande og dagleg leiar i mellom anna Ønskekjøp, SH Agentur, SH Reiser, Harberg AS og Trainee Sør i perioden 1983 til 2009.

Politisk karriere

Harberg var varamedlem for Høgre i Grimstad kommunestyre i 1995–1999, medlem i 1999–2003 og ordførar i 2003–2007. Han var medlem av styret i Grimstad Høgre i 1989–2009 og medlem i styret i Aust-Agder Høgre i 1991–1993, der han var leiar i 1993–2009. Han var medlem av Aust-Agder fylkesting i 2003–2007, av fylkesutvalet i Aust-Agder i 2007–2009 og medlem av sentralstyret i Høgre i 1993–2009.

Frå 2009 er Harberg vald inn som stortingsrepresentant for Høgre frå Aust-Agder. Han var leiar av familie- og kulturkomiteen i 2013–2017 og i kontroll- og konstitusjonskomiteen var han nestleiar i 2017–2021 og andre nestleiar i 2021–2025. Frå 2021 er han første visepresidentStortinget. Han har arbeidd særleg for å synleggjere Aust-Agder, for betre samferdsel og for gode oppvekstvilkår for barn og unge.

Andre verv

Han var medlem av styret og redaktør i Radio Grimstad i 1990–1996, medlem av styret til fotballklubben Jerv i 1991–2000, medlem av Agderrådet i 2003–2007, varamedlem i styret for Agder renovasjon i 2003–2007, leiar av styret for Stiftelsen Grimstad Bys Museer i 2005–2009 og leiar for Stiftelsen Fjordane Utvandrersenter frå 2008.

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg