Soga om svarvdølane er ein islendingesaga frå 1300-talet

Faktaboks

Etymologi
norrønt Svarfdœla saga
Også kjend som

Svarvdølingenes saga

Første delen av soga ber preg av eventyr og hendingar lik dei ein finn i fornaldersoger; hovudpersonen, Torstein Torgnysson, går frå små kår til å bli ein berømt krigar som til slutt giftar seg med ei jarledotter frå Gautland.

Andre delen av soga handlar om folk og slekter i Svarfaðardalur på vestsida av Eyjafjörður på Nord-Island.

Svarfdœla saga er nemnt i Landnámabók frå 1200-talet, men den overleverte versjonen ser ut til å ha vore skriven seint på 1300-talet.

Det finst berre eitt pergamentblad frå mellomalderen att av soga. Dette er frå 1400-talet, men soga finst i ei avskrift frå 1600-talet. Frå denne avskrifta finst det igjen mange avskrifter frå seinare hundreår. Førelegget til avskrifta frå 1600-talet har hatt ein lakune; etter at Torstein har fått jarledottera, går forteljinga rett over i å skildre strid mellom slektene i Svarfaðardalur.

Soga er omsett til nynorsk av Lars Vikør.

Les meir i Store norske leksikon

Litteratur

  • Jónas Kristjánsson 1988. Eddas and sagas. Iceland's medieval literature. Reykjavík: Hið íslenska bókmenntafélag.
  • Vikør, Lars 2014. Soga om svarvdølane, i Islendingesagaene. Samtlige sagaer og førtini tætter, IV. Reykjavík: Saga. 141–188.

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg