Sunnhordland Kraftlag AS

Sunnhordland Kraftlag AS, SKL, er sidan 1. januar 2016 eit reint kraftproduksjonsselskap med engrosomsetnad av elektrisk kraft, medan dei tidlegare aktivitetane nett og straumsalg frå same dato er overtekne av Haugaland Kraft AS.

Faktaboks

Også kjent som
SKL

Samla installasjon i kraftverka er 566 MW, og årleg middelproduksjon utgjer 2,5 TWh. Til saman har selskapet omlag 70 tilsette og hadde i 2016 ein omsetnad på 710 millionar kroner.

Historie

SKL vart skipa på Stord i 1946 som eit regionalt samarbeidstiltak for å sikre stabil og tilstrekkeleg tilgang på elektrisk kraft til Sunn- og Midhordland. Gjennom ein retta emisjon mot Karmsund Kraftlag i 1951 (i dag Haugaland Kraft), vart samarbeidet utvida til òg å omfatta Nord-Rogaland (Haugalandet). I 1953 sette SKL i drift det første aggregatet i Blådalsvassdraget i Kvinnherad. Selskapet eig og driv i dag 11 kraftverk i Kvinnherad, Etne, Fusa og Stord, og har 8,75 prosent eigardel i Sima kraftverk i Eidfjord, samt 2,54 prosent i Ulla-Førre-anlegga.

Ekstern lenkje

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg