Sofie er eit kvinnenamn som kjem av det greske ordet sophia som tyder ‘visdom’.
Sofie
Personar med namnet Sofie
Kulturell bruk
- Sofie Ramm i «Amtmandens døttre» (1853–1854) av Camilla Collett
- Tante Sofie i Thorbjørn Egners «Folk og røvere i Kardemomme by» (1955).
- «Sofies verden» (1991) av Jostein Gaarder.
Kjende personar med namnet Sofie
Eit utval personar med namnet Sofie, og som er omtalt i Store norske leksikon:
- Sofie av Mecklenburg (1557–1631)
- Sofie Amalie (1628–1685)
- Sofie Magdalene (1700–1770)
- Amalie Sofie Bekkevold (1819–1889)
- Laura Gundersen (1832–1898)
- Sofie (norsk og svensk dronning) (1836–1913)
- Sofie Helene Wigert (1913–1989)
- Anne-Sofie Strømnæs (1920–2009)
- Anne Sofie von Otter (1955)
- Sofie Gråbøl (1968)
- Hild Sofie Tafjord (1974)
Namnestatistikk
I 2022 var det 9 605 kvinner i Noreg som hadde Sofie som det einaste førenamnet eller som det fyrste av fleire, og Sofie var blant dei hundre mest brukte namnet blant norske kvinner. I 2022 var det 279 jenter som fekk namnet Sofie, og det var det femte mest populære jentenamnet dette året.
Av dei som heitte Sofie i perioden 1900–2017, var det 75 prosent som hadde dette namnet som det andre førenamnet, til dømes Gro Sofie. Dette inneber at 25 prosent hadde Sofie som det einaste førenamnet eller som det fyrste av fleire.
Utvikling i bruk av namnet
Kvinnenamn på -ia og -ie – og med tre eller fire stavingar – har vore på topp rundt år 2000. I tillegg til Sofie og Sofia gjeld dette til dømes Amalie, Amelie, Cornelia, Emilia, Emilie, Julia, Julie, Lydia, Maria, Marie, Nat(h)alie, Olivia og Viktoria. Nokre av dei var også populære i siste halvdel av 1800-talet. Forutan Sofia og Sofie gjeld dette til dømes Amalies, Emilie, Julie, Marie og Olivia. Sidan år 1900 har Sofie vore brukt 3,8 gongar meir enn Sofia.
Utvikling i bruk av namnet Sofie frå 1800
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Geografisk variasjon på 1800-talet
Sofie var mest brukt i Østfold og Finnmark.
Geografisk variasjon i bruk av namnet Sofie på 1800-talet.
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Sofie var mest brukt i Østfold og Finnmark. (I talgrunnlaget for søylene inngår det også ein eller fleire stavevariantar, til dømes Sophie.)
Historisk bruk av namnet Sofie
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Les meir i Store norske leksikon
- kvinnenamn
- førenamn, mellomnamn, etternamn
- personnamn
- Om namneartiklane på snl.no
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.