Faktaboks

Uttale

sjøholt, sjølt, sjålt

Etymologi
norrønt Síholtar, første leddet tyder ‘sjø’ og siste leddet er holt i tydinga ‘lund’ eller ‘steinete bakke’.
Innbyggjartal
1550 (SSB, 2023)
Landareal
1,6 km²
Tettstadsnummer
6091 Sjøholt
Sjøholt
Tettstaden Sjøholt med Storfjorden.
Av /Nye Ålesund kommune.
Lisens: CC BY NC 2.0

Sjøholt er ein tettstad i Ålesund kommune i Møre og Romsdal. Tettstaden er ifølgje SSBs definisjon 1,6 km², og har 1550 innbyggjarar (2023).

Sjøholt var til 2019 administrasjonssenter i daverande Ørskog kommune. Sjøholt ligg ved Ørskogelvas munning i Storfjorden. Sør for elveosen ligg Ørskog kyrkje, ei langkyrkje i tre frå 1873.

Her finst noko småindustri, mest verkstadindustri, møbelindustri, plast- og trevareindustri. På Sjøholt kjem Bygdebladet ut. Sjøholt Folkehøgskole, eigd av Indremisjonsforbundet, starta hausten 2021.

Gjennom Sjøholt går E 136 (Dombås–Ålesund) og E 39 (Kristiansand–Trondheim), og herfrå går fylkesveg 650 innover langs Storfjorden til Stordal og Norddal.

Kart

Sjøholt
Sjøholt
Av /Statens kartverk.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg