Store norske leksikon
Sigurd Einbu var ein norsk lærar og astronom. Han utførte talrike observasjonar av variable stjerner og oppdaga i 1912 ei nova i stjernebiletet Tvillingene.
«Populær astronomi» og Einbu var i fleire tiår nesten synonyme omgrep i Noreg. Han gjorde mykje for å spreie astronomisk kunnskap og skape interesse for studiet av stjernehimmelen. Han heldt foredrag, skreiv populærastronomiske artiklar og fleire bøker, mellom anna Gjennem stjerneverda (to bind, 1923–1924), Bebodde verder i nytt lys (1928), og Soler og atom (1930).
Einbu var lærar på Dombås i 1896–1911, og statslønt astronom frå 1911. Frå 1916 var han styrar for Den magnetiske stasjonen på Dombås.
Huset Einbu vart fødd i er flytta til Dombås og vart i 1985 opna som museum, kalla Einbustugu.
Kommentarer
Kommentaren din publiseres her. Fagansvarlig eller redaktør svarer når de kan.
Du må være logget inn for å kommentere.