Signe Kristin Djuve

Faktaboks

Signe Kristin Djuve
Født
29. august 1960, Molde
Død
27. juni 2018, Åsnes Finnskog
Oppvokst på Otrøya i Romsdalen

Artikkelstart

Signe Kristin Djuve var ein norsk lyrikar og pedagog. Både i dikta og i fagtekstane sine skildra ho korleis menneske ofte kjem til kort når det gjeld å nå fram til kvarandre.

Bakgrunn

Djuve arbeidde først og fremst i skuleverket heile det yrkesaktive livet, som faglærar og spesialpedagog i skulen og i pedagogisk-psykologisk teneste (PPT). I 1999 leverte ho ei hovudfagsoppgåve i pedagogikk ved Noregs teknisk-naturvitskaplege universitet (NTNU). Avhandlinga tok for seg emne som integrasjon og tilpassing.

Forfattarskap

Som lyrikar debuterte ho i 1983 på Det Norske Samlaget med diktsamlinga På den andre sida. I desse dikta var det viktig å syne korleis vi menneske formidlar kjensler og ofte mislukkast i å nå fram med formidlinga. I 1986 kom Sakte kino. Med korthoggen poesi skildrar ho her einsemd, uro og skjøre relasjonar.

I 1992 gav ho ut diktsamlinga Gjennom sommaren. Dikt for barn. Boka er illustrert av Ingrid Jangaard Ousland. Undertittelen spesifiserte at dette var dikt for barn, men dikta appellerer kanskje vel så mykje til vaksne – gjennom vare, nostalgiske tilbakeblikk til ein varm sommar med snille besteforeldre.

Les meir i Store norske leksikon

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg