Faktaboks

Ragnar Frisch
Ragnar Anton Kittil Frisch
Fødd
3. mars 1895, Oslo
Død
31. januar 1973, Oslo
Verke
Sosialøkonom
Familie

Foreldre: Juveler Anton Frisch (1865–1928) og Ragna Fredrikke Kittilsen (1860–1936).

Gift 1) 28.4.1920 med Marie Smedal (18.8.1895–2.1.1952), datter av fengselsdirektør Axel Smedal (1866–1939; se NBL1, bd. 14) og Helene Christiane Høyer (1867–1959); 2) 17.7.1953 med Astrid Johannessen (28.2.1896–12.10.1980), datter av grosserer Johan Marinius Johannessen (1864–1934) og Julie Caspersen (1864–1931).

Svoger til Axel Coldevin (1900–92).

Ragnar Frisch

Bilde fra Norsk biografisk leksikon

Ragnar Frisch
Av /NTB Scanpix ※.

Ragnar Frisch var ein norsk sosialøkonom som utførte eit banebrytande arbeid innanfor sosialøkonomi, økonometri og matematisk statistikk. Han var ein av grunnleggjarane av det internasjonale Econometric Society, og gjennom ei årrekkje redaktør av tidsskriftet Econometrica. Hans mest viktige innsats omfattar produksjonsteori, etterspurnadsteori, indeksproblem, nasjonalrekneskap, økonomisk dynamikk og økonomisk planlegging. Frisch blei dr. philos. i 1926 og var professor ved Universitetet i Oslo i 1931–1965.

Under den økonomiske verdskrisa i 1930-åra høyrde Frisch til dei første sosialøkonomane som gjekk inn for ein aktiv konjunkturpolitikk, med sikte på å auke den totale etterspurnaden og produksjonen ved å auke statsutgiftene. Frisch utarbeidde metodane for oppstilling av nasjonalrekneskap, metodar som etter 1945 blei lagt til grunn for oppstillinga av det første nasjonalbudsjettet for Noreg.

Frisch utførte omfattande arbeid som økonomisk ekspert, også i internasjonal målestokk; i den første tida for FN, seinare særleg for enkelte utviklingsland. Han hadde dimed langvarige opphald i India og i Egypt som ekspert i samband med den økonomiske planlegginga til desse statane.

I 1969 blei Frisch saman med Jan Tinbergen frå Nederland tildelt den første Nobels minnepris i økonomi.

Les meir i Store norske leksikon

Eksterne lenkjer

Litteratur

  • Bjerkholt, Olav: Introduction: Ragnar Frisch, the originator of econometrics og Foundations of modern econometrics : the selected essays of Ragnar Frisch, vol. 1, 1995, xiii-lii, isbn 1-85278-840-2
  • Edvardsen, Kåre N.: Ragnar Frisch : An annotated bibliography, [2001], isbn 82-7988-026-7
  • Njølstad, Olav, rei.: Norske nobelprisvinnarar, 2005, isbn 82-15-00697-3

Faktaboks

Ragnar Frisch
Historisk befolkingsregister-ID
pf01036392010253

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg