Faktaboks

Prokopis Pavlopoulos
Fødd
10. juli 1950, Kalamáta
Prokopis Pavlopoulos, 2016
Prokopis Pavlopoulos, 2016
Av /𝒲.
Lisens: CC BY 4.0

Prokopis Pavlopoulos, gresk politikar og professor som var president i Hellas frå 2015 til 2020. Han er utdanna jurist.

Prokopis Pavlopoulos er medlem av partiet Nytt demokrati, og har tidlegare representert partiet både som parlamentsmedlem og talsmann. Han har også hatt ei rekke rådgjevande stillingar, mellom anna var han juridisk rådgjevar til president Konstantinos Karamanlis frå 1990 til 1995.

Frå 2004 til 2007 var han minister for offentleg administrasjon og desentralisering. Han var innanriksminister frå 2007 til 2009.

Pavlopoulos har sidan 1989 vore professor i offentleg rett ved universitet i Athen.

18. februar 2015 blei Pavlopoulos fremja som presidentkandidat av koalisjonsregjeringa SYRIZA-ANEL. I ei avstemming dagen etter nominasjonen fekk han fleirtal i parlamentet med 233 stemmer.

Pavlopoulos tok over som president etter Karolos Papoulias.

Les mer i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg