Per Arne Olsen

Faktaboks

Per Arne Olsen
Født
21. februar 1961, Tønsberg, Vestfold og Telemark
Per Arne Olsen i 2012
Av .

Artikkelstart

Per Arne Olsen er tidlegare ordførar i Tønsberg, tidlegare nestleiar i Framstegspartiet (FrP) og tidlegare stortingsrepresentant for Framstegspartiet for Vestfold. Frå 2016 til 2018 var han fylkesmann i Vestfold og frå 2019 er han statsforvaltar i Vestfold og Telemark.

Bakgrunn

Per Arne Olsen er fødd i Tønsberg i Vestfold (no Vestfold og Telemark). Han gjekk på Tønsberg Handelsgymnas i 1977–1980. Seinare har han teke kurs ved Forsvarets høgskole. Olsen arbeidde som bankfunksjonær i Nøtterø Sparebank i 1980–1981 og var salssekretær i Lindfo AS i 1981–1986. Frå 2013 til 2016 var han seniorrådgivar i Gambit Hill+Knowlton.

Politisk karriere

Olsen var generalsekretær i Framstegspartiets Ungdom i 1986–1989. Mellom 1989 og 1997 var han kontorsjef ved hovudkontoret til FrP og fungerande generalsekretær i partiet i 1992–1993. Han var medlem i sentralstyret i FrP i 2004–2005 og nestleiar i 2005–2013.

Olsen var medlem av Tønsberg kommunestyre for FrP mellom 1983 og 2009, først som bystyrerepresentant, deretter i formannskapet i 1987–2003. I 2003–2009 var han ordførar i Tønsberg. Olsen var sekretariatsleiar i stortingsgruppa til partiet i 1997–2003.

Han var vararepresentant til Stortinget i 2001–2009 og vart innvald som stortingsrepresentant for Framstegspartiet frå Vestfold i perioden 2009–2013. Han var i denne perioden medlem av helse- og omsorgskomiteen på Stortinget. Han har fått kritikk for handteringa av Ungbo-saka i Tønsberg, men var ellers ein populær ordførar i heimkommunen. I 2016–2018 var han fylkesmann i Vestfold og er sidan 2019 statsforvaltar i Vestfold og Telemark.

Andre verv

Olsen har hatt fleire administrative verv og tillitsverv, mellom anna som medlem av styret for Folketrygdfondet i 1992–2009, varamedlem i Kringkastingsrådet i 1998–2009, medlem av styret for KS (Kommunenes Sentralforbund) i 2008–2009 og medlem av styret i Vinmonopolet frå 2016.

Les meir i Store norske leksikon

Eksterne lenker

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg