Per – Store norske leksikon

Per er eit mannsnamn som via det norrøne Pétr kjem frå latin Petrus med opphav i det greske Petros som er ei omsetjing av det arameiske Kefa som tyder ‘stein, berg, klippe’.

Namnet har fleire variantar: Peer, Per.

Namnedag er 29. juni. Peter og Petter har også namnedag denne dagen.

Personar med namnet Per

Kulturell bruk

I Asbjørnsens og Moes eventyr er Per og Pål brør til Oskeladden.
Per Bufast i «Det store spelet» (1934) av Tarjei Vesaas.

Kjende personar med namnet Per

Eit utval personar med namnet Per, og som er omtalt i Store norske leksikon:

Per Sivle (1857–1904)
Per Krohg (1889–1965)
Per Borten (1913–2005)
Per Kleppe (1923–2021)
Per Spook (1939)
Per Egil Hegge (1940–2023)
Per Vassbotn (1941)
Per Fugelli (1943–2017)
Per Petterson (1952)
Per-Willy Amundsen (1971)
Per Ciljan Skjelbred (1987)
Per Gynt

Namnestatistikk

I 2022 var det 37 002 menn i Noreg som hadde Per som det einaste førenamnet eller som det fyrste av fleire, og Per var det tredje mest brukte namnet blant norske menn. I 2022 var det 26 gutar som fekk namnet Per.

Utvikling i bruk av namnet

Per – med utanlandsk opphav (Peter) – var på topp 1945–1949, og dette er midt inne i hovudperioden (1920–1979) for dei einstava nordiske namna, til dømes Bjørn, Dag, Finn, Geir, Jarl, Kjell, Leif/Leiv, Odd, Rolf/Rolv, Stein/Sten og Ulf.

Geografisk variasjon på 1800-talet

Per var klart mest brukt i Finnmark. I folketeljingane kan skriftforma Peder vere brukt i staden for Per.

Geografisk variasjon i bruk av namnet Per på 1800-talet.

Av Gulbrand Alhaug / Erik Bolstad/Store norske leksikon.

Lisens: CC BY SA 4.0

Per var klart mest brukt i Finnmark. (I søylene inngår det også ein eller fleire stavevariantar, til dømes Peer.) I folketeljingane kan skriftforma Peder vere brukt i staden for Per.

Historisk bruk av namnet Per

Av Gulbrand Alhaug / Erik Bolstad/Store norske leksikon.

Lisens: CC BY SA 4.0

Les meir i Store norske leksikon

mannsnamn
førenamn, mellomnamn, etternamn
personnamn
Om namneartiklane på snl.no

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

Fagansvarleg for Guttenavn

Gulbrand Alhaug

UiT – Norges arktiske universitet