Faktaboks

Innbyggjartal
2302 (SSB, 2023)
Landareal
2,2 km²
Tettstadsnummer
1582 Otta
Otta.

Otta er ein tettstad i Sel kommune i Innlandet. Tettstaden er ifølgje SSBs definisjon 2,2 km², og har 2302 innbyggjarar (2023).

Otta er administrasjonssenter i Sel kommune og ligg der Ottadalen munnar ut i Gudbrandsdalen, 113 kilometer nord for Lillehammer.

Otta er trafikknutepunkt for jernbanen og har bussamband gjennom Ottadalen og vidare til Sogn, Nordfjord og Sunnmøre. Tettstaden er eit handels-, service- og skulesenter i Nord-Gudbrandsdal.

Staden har mykje industri, mellom anna trevareindustri, næringsmiddelindustri (slakteri, mølle), grafisk industri og steinindustri (ottaskifer).

Turisttrafikken er stor, med hotell og gjestgiveri. Her ligg òg Galleri Rondane (kunstutstillingar) og eit informasjonssenter for bergverk og steinindustri. «Ottamartna'n» arrangeres årleg i månadsskiftet september-oktober.

Sel kommune har vedteke bystatus for Otta frå 2000.

Kart

Otta
Otta
Av /Statens kartverk.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg