Nordhordland er ei lokalavis som kjem ut på tettstaden Knarvik to gonger i veka i papirformat, dei andre dagane som nettavis. Avisa vart grunnlagt i 1974 og dekkjer kommunene Alver (tidlegare Lindås, Meland, Radøy), Austrheim, Fedje, Masfjorden og Gulen. Avisa er eigd av A-pressen (Amedia) sidan 2006.
Nordhordland (avis)
Faktaboks
Nordhordland
- Offisielt namn
- AVISA NORDHORDLAND AS
- Organisasjonstype
- Aksjeselskap
- Forretningsadresse
- Isdalstø
- Dagleg leiar
- Vegard Flatøy (ansvarlig redaktør)
- Styreleiar
- Svein Atle Huus
Digitalt
Nordhordland starta med nettavis i 1999. Ordninga med betalingsmur for ikkje-abonnentar vart innført i Nordhordland i 2015. Statistikk hos Mediebedriftenes Landsforening viser at det gjennomsnittlege talet på daglege lesarar av papirutgåve og nettversjon er totalt 11 746 (4. kvartal 2023).
Historie
Med avisene Nordhordland og Strilen fekk distriktet for første gong eigne lokalaviser. Først kom bladet Strilen, som hadde tyngdepunktet lenger nord på Lindås-halvøya. Men i 1974 fekk dette bladet konkurranse av det nyskipa Nordhordland, og avisene har sidan då halde fram med å konkurrere om det aukande talet på lesarar i Nordhordland.
Det var eigarane av Nordhordland Forlag som stod bak avisa Nordhordland, som starta i det små med eitt rom på 50 kvadratmeter. Avisa vart leigetrykt ved Nortrykk i Alversund. Starten var god for Nordhordland, som starta med opplag på 600, som raskt auka til 1000 og vidare oppover.
Begge avisene har hovudkontor i Knarvik, og vender seg til heile Nordhordland og Ytre Sogn. Omkring 1960 voks Knarvik til å bli eit nytt senter for heile distriktet, mellom anna grunna ny veg frå den gamle ferjestaden Isdalstø til ny og stor ferjestø i Knarvik. Folketalet i distriktet auka frå rundt 20 000 menneske til bortimot 30 000 i løpet av ein generasjon.
Avisa fekk ein god start ved valet av trykkjeri. Sjølv om det i den første tida var tradisjonell produksjon i bly, var trykkjekvaliteten betre enn i Strilen, ikkje minst for bileta. Nordhordland satsa òg sterkt på moderne avisutforming og ny teknikk, og Nordhordland var den første avisa i Hordaland som tok i bruk fullsideutforming på data. I ein tung økonomisk periode i 1980-åra gjekk avisa over til utgåver tre gonger i veka for å få ferske nyhende raskare ut, særleg etter helgene. Nordhordland gjekk raskt tilbake til to utgåver i veka.
Opplag
Opplagstall for Nordhordland, 1986-2022
| 1986 | 5890 |
|---|---|
| 1988 | 5004 |
| 1990 | 4825 |
| 1991 | 5004 |
| 1992 | 5048 |
| 1993 | 5061 |
| 1994 | 5072 |
| 1995 | 4903 |
| 1996 | 3508 |
| 1997 | 4243 |
| 1998 | 4000 |
| 1999 | 4325 |
| 2000 | 4497 |
| 2001 | 4881 |
| 2002 | 5265 |
| 2003 | 5870 |
| 2004 | 6247 |
| 2005 | 6449 |
| 2006 | 6294 |
| 2007 | 6294 |
| 2008 | 6384 |
| 2009 | 6303 |
| 2010 | 5994 |
| 2011 | 6107 |
| 2012 | 5933 |
| 2013 | 5624 |
| 2014 | 5334 |
| 2015 | 4633 |
| 2016 | 4672 |
| 2017 | 4457 |
| 2018 | 4947 |
| 2019 | 5078 |
| 2020 | 5228 |
| 2021 | 4910 |
| 2022 | 5062 |
| År | Opplag |
|---|---|
| 1977 | 1991 |
| 1987 | 5901 |
| 1994 | 5072 |
| 2008 | 6384 |
| 2015 | 4549 |
| 2020 | 5228 |
| 2021 | 4910 |
| 2022 | 5062 |
| 2023 | 4849 |
Frå 2020 gjeld netto opplagstal for digitalt abonnement og papirabonnement (Mediebedriftenes Landsforening).
Fakta
- Første nr. 4. oktober 1974
- Nettavis frå 1999
- Eigd av Amedia frå 2006
Les meir i Store norske leksikon
Eksterne lenker
Faktaboks
Nordhordland
- Sektorkode
- 2100 Private aksjeselskaper mv.
- Næringskode(r)
- 58.130 Utgivelse av aviser
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.