Logo Molde Annonceblad
Molde Annonceblad.
Forside av Molde Annonceblad.
Framside frå utgjevingsåret 1883 av Molde Annonceblad.
Forside av Molde Annonceblad.
Nasjonalbilioteket .

Molde Annonceblad var ei avis som blei etablert i Molde i 1893. Ludvig Mathias Eeg (1865–1949) var fyrste redaktør (til 1912) og utgjevar (til 1918). Byen hadde då to aviser: Romsdals Budstikke og Romsdals Tidende, som representerte høvesvis Venstre og Høgre.

Molde Annonceblad skulle ikkje vere noko partiorgan, og plasserte seg heller i tradisjonen av «adresseaviser». I ein eigenannonse i 1894 blei det uttrykkjeleg slått fast at avisa «agter ikke at indtage noget afgjort politisk Standpunkt».

Historie

Det redaksjonelle innhaldet var stort sett som det ein kunne finne i andre aviser på den tida, med nyheiter, politiske saker, artiklar om ulike emne, samt underhaldningsstoff. Dette hindra ikkje at avisa profilerte seg på visse saker. Heilt frå starten av var ho ein varm tilhengjar av avhaldssaka; ho skulle verke til «fremme af Ædruelighed blandt vore Folk».

Vidare var det tydeleg at bøndene i regionen var ei viktig målgruppe. Avisa hadde ein god del landbruksstoff, gjerne under vignetten «Landbrugstidende». I 1896 oppgav avisa eit opplagstal på 630 og framheva seg sjølv som både «Amtets billigste Blad» og eit «meget fordelagtigt Avertissementsblad».

Nye eigarar

I det nye hundreåret heldt avisa fram med å støtte avhaldssaka, og ho blei etter kvart organ for Frisindede Venstre. I 1920 kom det inn nye eigarar som (re)lanserte avisa som organ for avholdsbevegelsen og partiet Venstre.

Avisa støtta «Bygde-Venstre» og Landmandsforbundet, medan den største konkurrenten, Romsdals Budstikke, representerte «By-Venstre» og blei dermed upopulær ute i Romsdals-bygdene.

Bøndene i regionen prøvde å kjøpe opp Molde Annonceblad, men lukkast ikkje i fyrste omgang. Men då bøndene i 1927 starta avisa Fylket, varte det ikkje meir enn vel eitt år før Molde Annonceblad blei slukt av den nye avisa. «Annoncebladet» kom ut med sitt siste nummer den 31. oktober 1928. Frå då av var ho ein periode undertittel for den nye «bondeavisa» Fylket.

Fakta

  • Fyrste nummer 1883. Sidan fyrste årgang er gått tapt, kjenner vi ikkje datoen for fyrste nummer. Fyrste redaktør var Ludvig Mathias Eeg.
  • Siste nummer 31. oktober 1928, deretter vart avisa opptatt i Fylket.

Les mer i Store norske leksikon

Litteratur

  • Norske aviser fra A til Å, bind 4 i Norsk presses historie 1–4. Bindredaktør: Idar Flo. Hovedredaktør: Hans Fredrik Dahl. Universitetsforlaget, 2010.

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg